Туу күнү Кыргыз Республикасынын Жогорку Кеңешинин 1992 – жылдын 3-мартындагы токтому менен бекитилген, ал эми 5-март Ак калпак күнү деп 2011-жылы жарыяланган. Анын негиздөөчүсү Рысбек Жабиров.
Бул күн 2016-жылдан тарта расмий түрдө белгиленип келе жатат. 2017- жылы айрым сунуштардын негизинде токтомго өзгөртүүлөр киргизилип, 5-март Ак калпак жана улуттук кийимдер күнү катары кабыл алынган.
Ушул майрамдарды утурлай Т.Эрматов атындагы БМПКда Кыргыз Республикасынын Туу жана Ак калпак күнүнө арналган иш-чара салтанаттуу белгиленди.
Иш-чарага окутуучулар жана студенттер катышышты. Алгач, Кыргыз Республикасынын Гимни уктурулуп, Туу көтөрүлдү . Андан соң окуу жайыбыздын директору У.М Турдалиев сөз сүйлөп, өз сөзүндө Туу биримдиктин белгиси экендигин баса белгиледи.
Рухубуздун Туу чокусу болгон “Манас” эпосунан үзүндү айтуу менен жыйынтыкталды.
