Кыргыз Республикасынын “Кыргыз Республикасынын мамлекеттик тил жөнүндө” Мыйзамын ишке ашыруу, Бириккен Улуттар Уюмунун жана ЮНЕСКОнун чечиминин негизинде Кыргызстанда жашаган улуттардын ынтымагын бекемдөө, алардын эне тилин, маданиятын жайылтуу максатында 20 – январдан 21 -февральга чейин жарыяланган бир айлыктын негизинде Т.Эрматов атындагы Бишкек музыкалык-педагогикалык колледжинде бир нече иш – чаралар уюштурулуп өткөрүлдү.
Алсак, “Эне тилди барктайлы” аттуу кыздар арасында сармерден уюштурулду. Анда өз эне-тилибизди кадырлоо, улуттук каада салтыбызга аяр мамиле жасоо менен муундан муунга өткөрүү милдет экендигин көрсөтө алышты
” Тил – достукка көпүрө” деген аталыштагы тегерек стол, “Улуттук маданият – улуттун байлыгы” аттуу тарбиялык саат уюштурулду.
“Эне тил барда, Мекен бар ” аттуу өнөр таймашы менен жыйынтыкталды.
Таймашта кыргыз, өзбек,орус, англис тилдеринде сүйлөп , ырдап, бийлеп беришти.
Бул даталуу күн мекенчилдиктин жана өз Мекенине болгон сүйүүнүн, эне тилди сактоого умтулуу менен башка тилдерге болгон мамилебизди урмат – сый менен уланта берээрибизди далилдей алды.
