Т.Эрматов атындагы БМПКда улуттук нарк – насилди сактап, жайылтуу максатында “Кел, Ноорузум” аттуу Нооруз майрамына арналган маданий – массалык иш-чара уюштурулуп өткөрүлдү.
Сүмөлөк кайнатуу жөрөлгөсү менен башталып, кыз – жигиттин “Сармерден” оюну , тамак – аш көргөзмөсү көрсөтүлүп, улуттук оюндар менен жыйынтыкталды.
Кыз – жигиттин “Сармерден” оюну көпчүлүктүн купулуна толуп, көңүл сергиткен , ыр – тамаша менен коштолду.
Бөлүмдөр арасында улуттук тамак – аш көргөзмөсү конкурстук негизде өттү. Анда “Башталгыч класстарда окутуу” бөлүмү 1 – орунду багындырышты.
Улуттук оюндар уюштурулуп өткөрүлдү.
Жаштарыбыз ыймандуу, жигиттерибиз жүрөктүү болсун! Өлкөбүздө тынчтык, береке болсун!
Айдан аман, жылдан эсен бололу!
