Т.Эрматов атындагы Бишкек музыкалык-педагогикалык колледжинде Жаңы жылдык салтанаттуу кече өттү.Концертти Жаштар кеңешинин студенттери уюштурушту. Окуу жайдын бардык бөлүмдөрүнун студенттери ырдап,бийлешти

Композитор Т.Эрматовдун жана залкар жазуучу Ч.Айтматовдун 95 жылдыгына жана Улуттук адабият күнүнө карата 12-декабрда салтанаттуу иш-чара уюштурулду.

Анда, “Жарыгы өчпөйт жакшынын” аттуу кароо-сынагынын жыйынтыгы чыгарылып, грамота жана кызыктыруучу сыйлыктар менен сыйланды. Ошондой эле, орто кесиптик окуу жайлар арасында өткөрүлгөн волейбол оюну боюнча да жеңүүчүлөргө диплом,ыраазычылык каттар тапшырылды. Ч. Айтматовдун чыгармаларынан сценка көрсөтүлүп, анын чыгармалары чагылдырылган ырлар жаңырды.

Таштан Эрматов атындагы БМПКда “Кошумча кесиптик билим берүү педагогикалык ишмердилүүктүн жаңы багытты жана мүмкүнчүлүктөрү” боюнча орто кесиптик окуу жайлар арасында мемарандум түзүлүп, келишимдерге кол коюлду. Бул келишимдерге кол коюуга Бишкек шаарынын жана Чуй облусундагы кесиптик орто окуу жайларынын директорлору чакырылган. Мемарандум түзүүнүн максаты, милдети боюнча түшүндүрмө берилип, аталган кесиптик окуу жайлар менен келишимдер түзүлдү. Биздин окуу жайда кайра даярдоо курсу ачылды. Чакан концерттик программа менен иш-чарабыз жыйынтыкталды.

Композитор Таштан Эрматовдун 95 жылдык юбилейин утурлай Таштан Эрматов атындагы Бишкек музыкалык педагогикалык колледжинде орто кесиптик окуу жайлар арасында волейбол оюну боюнча мелдеш болуп өттү. Окуу жайлардын кыздар жана балдар командалары беттешишти.

Мелдеште кыздар арасындагы оюнда 1-орунду Бишкек музыкалык-педагогикалык колледжи

2-орунду Бишкек медициналык колледжи.

3-орунду Кыргыз Авиациалык институту.

Эркек балдар арасындагы оюнда 1-орунду Юридикалык колледжи

2-орунду ИСИТО

3-орунду Бишкек музыкалык-педагогикалык колледжинин студенттери багындырышты.

Кыргыз профессионал музыкасынын баштоочуларынын бири, композитор, профессор Таштан Эрматовдун 95 жылдык юблейине карата  окуу жайда салтанаттуу иш-чара болуп өттү. Т.Эрматов чыгармачылыгы тууралуу санааалаштарынын эскерүүсү видео –баян көрсөтүлдү. Андан соң, Т.Эрматовдун чыгармаларын колледждин “Музыкалык билим берүү”  бөлүмүнүн студенттери аткарышты.

                   Чындыкты айтсак, болбостур сөздүн төгүнү

                    Музыка бул-нөшөрдөй сабап төгүлүү

                    Жаштар менен жашташ болуп Эрматов

                    Окуу жайда калат өрнөк өмүрү демекчи, улуу инсандын өзү өлсө да, анын чыгармалары кыргыз барда жашай бермекчи.

Оор атлетика боюнча СССРдин 2 жолку чемпиону, Кыргыз Республикасынын эмгек сиңирген машыктыруучусу,  КРнын маданиятына эмгек сиңирген ишмери, Эмгек кызыл туу ордени, Даңк медалы, Кыргыз Республикасынын Жогорку Кеңешинин Ардак грамотасынын ээси, Москва шаарында өткөн 22-жайкы Олимпиада оюндарынын оор атлетика боюнча чемпиону Осмоналиев Каныбек Осмоналиевич Т.Эрматов атындагы БМПКнын студенттери менен жолугушту. Чемпион агайыбызды студенттер кызыл килемде кол чабуулар менен тосуп алышты. 

             К.Осмоналиев алгач сөздү өзү жөнүндө жана кантип ийгиликке жеткендиги тууралуу айтып берди. Студенттерди кызыктырган суроолорго жооп берип, жолугушуу жагымдуу маанайда өттү. Аягында студенттердин чакан концерти менен жыйынтыкталды.

          

2023-жылдын 15-ноябрында Эсик гуманитардык-экономикалык колледжинде «Тармактар Алеуметтик сериктестик Болмысы жана Мумкіндіктери» темасында семинар болуп өттү.Семинарга
Таштан Эрматов атындагы Бишкек музыкалык-педагогикалык колледжинин окутуучулары катышып келишти.

Нусупова Г.Ш. “Башталгыч класстарда окутуу көндүмдөрүн өнүктүрүүнүн жолдору” ,

Куменова З.К. “Мектепте музыка сабагын окутуунун усулдары” деген темада баяндамалар менен тааныштырышып, ой бөлүшүп, өз тажрыйбалары менен алмашышты.
 Семинар катышуучулар тарабынан жогору денгээлде өттү деп белгиленди.
Аталган окуу жайга терең ыраазычылык билдиребиз!

23-сентябрь Мамлекеттик тил күнүнө карата Т.Эрматов атындагы Бишкек музыкалык-педагогикалык колледжинде салтанаттуу иш-чара болуп өттү.

Кыргыз тилинин Гимни менен башталып, окуу жайыбыздын директору У.М.Турдалиев агайыбыздын куттуктоосу менен уланды. “Манас” эпосунан үзүндү айтылып, комузчулар комузда кол ойнотуп, бийчи кыздар кызгалдактай кулпуруп, жибектей ийилип, кыргыз бийин бийлешти. Чет өлкөдөн келген коногубуз да комуз чертип, көпчүлүктүн көңүлүн өзүнө бурду. Жигиттерибиз эне тилге, Ата Журтка арналган ырларды жогорку деңгээлде аткарышты.

Окуу жайыбыздын жигиттер командасынын арасында, майрамды утурлай волейбол таймашы уюштурулду.